[player id=993] Mahmut Ayçiçek´in kendi sesinden dinleyin
HA VAJ HA VAJ
Virsi bıdên ma
wa dar şımar’ib
kendal bıdên ma
cehde şımar’ib
yo çeng bıdên ma
wa gual şımar’ib
ın nekesun ra
ha vaj ha vaj
yo nun bıdê ma
ardun şımar’ib
kêber bıdên ma
yêga şımar’ib
mehla bıdên ma
bacar şımar’ib
ın çımtengun ra
ha vaj ha vaj
ma vun aÅŸiti
yi vun koğıti
ma vun brati
yi vun bındesti
ma vun cirunti
yi vun dûr koti
ın iynadun ra
ha vaj ha vaj
ma vun byê ma het
yi mara dûr şin
ma vun selamet
sarê ma şıknên
ma vun humma est
yi cad inkar kên
ın zındıqun ra
ha vaj ha vaj
ma vun ma’z islum
vun şıma zûr kên
ma vun yo kelam
yi mar kufır kên
ma fêk xu kên a
yên cad qefelnên
ın zalımun ra
ha vaj ha vaj
ma dêst xu kên derg
yi dest xu uncên
ma çım xu kên a
pê bendun bestên
ma yo lıng erzên
cad vêrni ma gên
ın haylazun ra
ha vaj ha vaj
ma xuir qısê kên
mara vun yasax
ma rê rê nûsên
şin gerrê ma kên
ma vun liya mekteb
cad zerrı erzên
ın hırıkun ra
ha vaj ha vaj
ma vun ma feqir
mara vun heÅŸ
ma vun ma sekir
vun cê tı zaf wueş
ma vun kar gurı
mar vun çê meş
ın sêwurun ra
ha vaj ha vaj
pêni we selam
sabır ben tenık
eg bırya kelam
sarı ben wuenık
ma vun heqiqat
yi vun qê sunık
ın sarwuşkun ra
ha vaj ha vaj……..
….mehmud arıf…..